आइतबार, कार्तिक १५ २०८३
आइतबार, कार्तिक १५ २०८३
विकास बैंकमा डेपुटि सिइओलाई सिइओ बनाउने महालक्ष्मी बन्यो पहिलो
मंगलबार, माघ २३ २०८०
काठमाडौँ – महालक्ष्मी विकास बैंकको प्रमुख कार्यकारी अधिकृतको पदमा दिपेश लम्साल नियुक्त भएका छन् । आज बसेको बैंकको संचालक समितिले लम्सालको योग्यता, क्षमता र अनुभवको आधारमा उनलाई प्रमुख कार्यकारी अधिकृतको जिम्बेवारी सुम्पिएको हो ।
यसअघि उनी सोही बैंकको कायम मुकायम प्रमुख कार्यकारी अधिकृतको पदमा कार्यरत रहेका थिए । लम्सालसँग बैंकिङ क्षेत्रको २४ वर्षभन्दा बढी अनुवभ छ । नबिल बैंकमा ८ वर्ष र कुमारी बैंकमा ४ वर्ष काम गरेका उनी महालक्ष्मी बैंकमा भने विगत १२ वर्षदेखि आवद्ध छन् ।
नेपाली बैंकिङ क्षेत्रमा निकै नै कुशल र क्षमतावान बैंकररुपको परिचय स्थापित गरेका लम्सालले तत्कालीन समयमा खराब अवस्थाबाट गुज्रिएको तत्कालीन मनकामना डेभलपमेन्ट बैंकलाई पनि सवल र सक्षम बैंककोरुपमा स्थापित गराएका थिए । उनीमा सिंगो कर्मचारी संयन्त्रको बिश्वास जितेर बैंकलाई सवल र सक्षम बनाउन सक्ने क्षमता रहेको छ ।
अहिलेको प्रतिस्पर्धी वित्तीय बजारमा लम्साल सिंगो बैंकको व्यवस्थापकीय बागडोर सम्हाल्न सक्ने क्षमता भएका व्यक्तित्व हुने । उनको यही क्षमताको उच्च मुल्यांकन गर्दै बैंक सञ्चालक समितीले लम्साललाई प्रमुख कार्यकारी अधिकृतको जिम्मेवारी सुम्पिएको हो ।
