लडेर मृत्यु  

काठमाडौंको कागेश्वरी मनोहरा नगरपालिका–६ मुलपानी तिवारी टोल बस्ने ३० वर्षीय मिजेन्द्र श्रेष्ठको शौचालयमा लडेर बुधबार राति मृत्यु भएको छ । लडेर गम्भीर घाइते भएका उनको नारायणटारस्थित शखंरापुर अस्पतालमा उपचारको क्रममा मृत्यु भएको हो । 
कैलालीको चुरे गाउँपालिका–६ तितरे बस्ने १६ वर्षीया झुपा कुमारी साँउदको भीरबाट लडेर बुधबार बिहान मृत्यु भएको छ । सोही ठाउँस्थित पोटेमाला भिरमा घाँस काट्न गएको अवस्थामा लडेर गम्भीर घाइते भएकी उनको उपचारको लागि धनगढीतर्फ लैजाने क्रममा बाटोमै मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।