‘स्थिति भयावह भएपनि तत्काल लकडाउन हुँदैन’

प्रधानमन्त्री तथा एमाले अध्यक्ष केपी शर्मा ओलीले कोरोना संक्रमणको कारण अवस्था भयावह बन्दै गएपनि तत्काल लकडाउन नहुने वचन दिनुभएको छ ।

आज बालुवाटारमा बसेको एमाले दशौं महाधिवेशन आयोजक समितिको बैठकलाई सम्बोधन गर्ने क्रममा उहाँको भनाई उद्धृत गर्दै स्रोतले भनेको छ ‘स्थिति भयावह छ । त्यसैले संक्रमणको दरलाई हेरेर हट स्पट र रेड स्पट छुट्याउँदै आवश्यक निर्णय गर्ने अधिकार स्थानीय तहलाई नै दिइएको छ ।’

प्रधानमन्त्रीले अहिले ३ बजे फेरि कोभिड संकट व्यवस्थापन केन्द्र (सिसिएमसी) को बैठक बस्ने र पूरै लकडाउन नभएपनि थप निषेधाज्ञाहरु जारी हुने सम्भावना रहेको बताउनुभएको छ । उहाँले भन्नुभएको छ ‘हिजोको जस्तो सबै बन्द हुँदैन ।’

उहाँले सांसद तथा एमाले नेताहरुलाई संक्रमणबाट जोगिन सुझाव दिँदै भन्नुभएको छ ‘साबुन पानीले हात धुनोस्,नून पानीले कुल्ला गर्नुस् है !’

सीसीएमसीको बैठक हिजो साढे दुई घण्टा बसेको थियो । आज पनि दिउँसो ३ बजे बस्दैछ । जन आश्था साप्ताहिकमा खबर छ l