बस र मोटरसाइकल एकआपसमा ठक्कर खाँदा दुुई जनाको मृत्यु  

चितवन ।  भरतपुर महानगरपालिका–२० नयाँ बजारस्थित सडकमा ना.३ ख ८३६० नम्बरको बस र ना.४९ प ६६४६ नम्बरको मोटरसाइकल एकआपसमा ठक्कर खाई आइतबार दिउँसो दुर्घटना हुँदा मोटरसाइकलमा सवार २ जनाको मृत्यु भएको हो । मृत्यु हुनेहरुमा मोटरसाइकल चालक सोही महानगरपालिका–११ बस्ने २७ वर्षीय मन्जिल पौडेल र सोही ठाउँ बस्ने २३ वर्षीया पार्वती अधिकारी रहेका छन् । दुर्घटनामा गम्भीर घाइते भएका उनीहरुको पुरानो मेडिकल कलेज भरतपुरमा उपचारको क्रममा मृत्यु भएको हो । बस चालक नियन्त्रणमा लिई दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।