शुक्रबार, कार्तिक २७ २०८३
शुक्रबार, कार्तिक २७ २०८३
शुक्रबार, कार्तिक २७ २०८३
धनगढी । कैलालीको धनगढीमा मोटरसाइकल र स्कुटी एकआपसमा ठोक्किँदा एक महिलाको मृत्यु भएको छ भने पाँच जना घाइते भएका छन् ।
धनगढी उपमहानगरपालिका–१५ स्थित ज्योति आयल स्टोर नजिकै बिहीबार साँझ करिब ७ बजे दुर्घटना भएको हो ।
प्रहरीका अनुसार फूलबारीतर्फ जाँदै गरेको से ४ प ४५८५ नम्बरको मोटरसाइकल र विपरीत दिशाबाट आउँदै गरेको सुपप्र ०२००३ प ८१५५ नम्बरको स्कुटी एकआपसमा ठोक्किएका थिए ।
दुर्घटनामा गम्भीर घाइते भएकी स्कुटी चालक धनगढी उपमहानगरपालिका–५ तारानगरकी ३५ वर्षीया सुशीला बमको मृत्यु भएको प्रहरीले जनाएको छ ।
दुर्घटनामा अन्य पाँच जना घाइते भएका छन् । उनीहरूको अवस्था र दुर्घटनाको थप विवरण आउन बाँकी छ ।
