आइतबार, कार्तिक २२ २०८३
आइतबार, कार्तिक २२ २०८३
बिहिबार, जेष्ठ ८ २०८२
काठमाडौँ र नेपाली कांग्रेसका प्रचार विभाग प्रमुख मीन विश्वकर्माले सभापति तथा पूर्वप्रधानमन्त्री शेरबहादुर देउवाको राजसंस्थाबारेको धारणा भन्दै सञ्चारमाध्यममा आएका समाचारहरू भ्रमपूर्ण र अनैतिक रहेको बताएका छन्।
कांग्रेसका नेता लोकेश ढकालले कांग्रेस सभापति देउवाले संवैधानिक राजसंस्थाबारे नकारात्मक नरहेको बताएका थिए । देउवाले हृदयेन्द्र वीरविक्रम शाह राजा बनेमा आफ्नो समर्थन रहने सन्देश राजसंस्था पुनःस्थापना आन्दोलनसमक्ष पठाएको उनले दाबी गरेका थिए । त्यसको खण्डन गदै कांग्रेस प्रचार विभाग प्रमुख विश्वकर्माले सामाजिक सञ्जालमार्फत यस्ताे बताएका हुन् ।
देउवा २०६२/६३ को जनआन्दोलनका उपलब्धिहरू अर्थात् संघीय समावेशी लोकतान्त्रिक गणतन्त्रको संविधानको संरक्षण र संवर्द्धनका लागि सधैँ प्रतिबद्ध रहेकाे उनले भनेका छन्। ‘नागरिकहरूलाई पूर्ण स्वतन्त्रता, समानता र न्यायसहितको लोकतान्त्रिक व्यवस्थाका उहाँ अथक योद्दा हुनुहुन्छ।’
कसैले क्षणिक स्वार्थपूर्तिका लागि राजसंस्थाबारे देउवाको धारणा भनि मिडियामा गलत सूचना सम्प्रेषण गर्नु अनैतिक कार्य भएको उनले स्पष्ट पारेका छन्। देउवाले कहीँ कतै नबोलेको, नभनेको र नसोचेको कुरा मनगढन्ते ढंगले प्रचारमा ल्याउनु पत्रकारिताको धर्म नभएको पनि विश्वकर्माले उल्लेख गरेका छन्।
यस्ता भ्रमात्मक कुरामा विस्वास नगर्न र अव्यक्त कुरा मिडियामा संम्प्रेषण नगर्न पनि विश्वकर्माले अनुरोध गरेका छन् ।
