सम्पर्कविहीन १० प्रहरीलाई ७ दिनभित्र उपस्थित हुन निर्देशन

काठमाडौं । कार्यालयको सम्पर्कमा नरहेका नेपाल प्रहरीका १० जनालाई सात दिनभित्र हाजिर हुन प्रहरी प्रधान कार्यालयले निर्देशन दिएको छ ।

प्रहरी महानिरीक्षकको सचिवालयले सार्वजनिक सूचना जारी गरी गैरहाजिर भएका प्रहरीहरुको नामठेगाना सार्वजनिक गरेको छ । र, उनीहरुलाई सात दिनभित्र गैरहाजिर हुनुको कारणसहित हाजिर हुन निर्देशन दिएको छ ।

लामो समयदेखि आफूखुसी कार्यालयमा गैरहाजिर भएको र खोजतलास गर्दा समेत सम्पर्कमा नआएकाले अन्तिम पटक ७ दिने सूचना निकालिएको उल्लेख छ ।