बुधबार, कार्तिक २५ २०८३
बुधबार, कार्तिक २५ २०८३
मंगलबार, चैत्र ६ २०८०
भक्तपुरको मध्यपुर ठिमी नगरपालिका–४ नयाँठिमी चोकबाट अवैध लागूऔषध गाँजा २ किलोसहित सोही ठाउँ बस्ने सिन्धुपाल्चोक इन्द्रावती गाउँपालिका–९ घर भएका २२ वर्षीय बालकृष्ण श्रेष्ठ भन्ने रोशन श्रेष्ठलाई सोमबार दिउँसो प्रहरीले पक्राउ गरेको छ । प्रहरी वृत्त ठिमीबाट खटिएको प्रहरीले उनलाई उक्त गाँजासहित पक्राउ गरेको हो ।
कञ्चनपुरको पुनर्वास नगरपालिका–११ डोके बजारबाट अवैध लागूऔषध खैरो हेरोइन जस्तो देखिने पदार्थ १ ग्राम २ सय ४० मिलिग्रामसहित कैलाली कैलारी गाउँपालिका–१ हसुलिया बस्ने १८ वर्षीय किशोरलाई सोमबार साँझ प्रहरीले पक्राउ गरेको छ । प्रहरी चौकी परासनबाट खटिएको प्रहरीले उनलाई उक्त पदार्थसहित पक्राउ गरेको हो ।
बाँकेको बैजनाथ गाउँपालिका–४ नौलापुरबाट अवैध लागूऔषध ब्राउनसुगर जस्तो देखिने पदार्थ २ ग्राम ५ सय २० मिलिग्रामसहित २ जनालाई सोमबार बिहान प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने माने भन्ने २१ वर्षीय मिलन थापा र १९ वर्षीय बिमल वली रहेका छन् । इलाका प्रहरी कार्यालय कोहलपुरबाट खटिएको प्रहरीले मिलन थापाको घर तलासी गर्दा उक्त पदार्थ फेला पारी दुवै जनालाई पक्राउ गरेको हो ।
काठमाडौंको बुढानिलकण्ठ नगरपालिका–११ कपन त्रिवेणी चोकबाट अवैध लागूऔषध ब्राउनसुगर जस्तो देखिने पदार्थ ४८ मिलिग्रामसहित मकवानपुर हेटौंडा उपमहानगरपालिका–१३ घर भएका २३ वर्षीय राम बिकलाई सोमबार दिउँसो प्रहरीले पक्राउ गरेको छ । प्रहरी प्रभाग कपनबाट खटिएको प्रहरीले उनलाई उक्त पदार्थसहित पक्राउ गरेको हो ।
कास्कीको पोखरा महानगरपालिका–१२ नहरचोकबाट अवैध लागूऔषध ब्राउनसुगर जस्तो देखिने पदार्थ १ ग्राम र नगद १३ हजार रूपैयाँसहित २ जनालाई सोमबार राति प्रहरीले पक्राउ गरेको छ । पक्राउ पर्नेहरूमा सोही महानगरपालिका–१० अस्पताल चोक बस्ने ४९ वर्षीय नारायण बहादुर खत्री र स्याङजा घर भएका ५३ वर्षीय लोक बहादुर सेन ठकुरी रहेका छन् । वडा प्रहरी कार्यालय रामबजारबाट खटिएको प्रहरीले ग.१० प ५०६० नम्बरको मोटरसाइकलमा सवार उनीहरूलाई उक्त पदार्थसहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
