आइतबार, कार्तिक २२ २०८३
आइतबार, कार्तिक २२ २०८३
सोमबार, पुष २ २०८०
काठमाडौं-दोलखाको भिमेश्वर नगरपालिका–१ देउराली मैदाने बस्ने ध्रुब प्रसाद उप्रेतीको छोरा ११ वर्षीय अबिरक उप्रेती आइतबार मृत अवस्थामा फेला परेका छन् । गत कात्तिक २७ गते देखी हराई बेपता भएका उनको खोजी गर्ने क्रममा सोही ठाउँ शव फेला परेको हो ।
नवलपरासी पश्चिमको बर्दघाट नगरपालिका–९ भुताहा बस्ने ४८ वर्षीय हुम बहादुर कार्की आफ्नै घरमा आइतबार मृत अवस्थामा फेला परेका छन् । सर्लाहीको मलंगवा नगरपालिका–८ मलंगबाबा मन्दिरदेखि नजिकै हाल नाम, थर, वतन नखुलेका अन्दाजी २१ वर्षीय पुरुष आइतबार मृत अवस्थामा फेला परेका छन् ।
इलामको फाकफोकथुम गाउँपालिका–४ स्थित खोल्से खोल्सामा सोही गाउँपालिका–१ लुमसुमदाङ बस्ने ६१ वर्षीय सुकमान थेगीम लिम्बू आइतबार मृत अवस्थामा फेला परेका छन् । मंसिर २२ गते पाँचथरको रबी बजारबाट हराई बेपत्ता भएका उनको शव फेला परेको हो । तेह्रथुमको लालीगुँरास नगरपालिका–८ सोल्मा बस्ने ६३ वर्षीय हरि बहादुर कार्की आफ्नै खेतको सुन्तलाको रुख मुनि आइतबार मृत अवस्थामा फेला परेका छन् । सिन्धुलीको दुधौली नगरपालिका–३ झुगाँ बस्ने ३५ वर्षीय शुशिल धामी सोही ठाउँ बस्ने उनकै काकाको छोराको घरको दलानमा आइतबार मृत अवस्थामा फेला परेका छन् ।
पाँचथरको फाल्गुनन्द गाउँपालिका–४ च्याव्लुङ बस्ने ५३ वर्षीय शेरहाङ चेम्जोङ आफ्नै खेतको पाखामा आइतबार मृत अवस्थामा फेला परेका छन् । शनिबार घरबाट हिँडी बेपत्ता भएका उनको खोजी गर्ने क्रममा शव फेला परेको हो । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।
