आइतबार, कार्तिक २२ २०८३
आइतबार, कार्तिक २२ २०८३
काठमाडौँ l नेपाल धितोपत्र बोर्डका अध्यक्ष भिष्मराज ढुंगानाविरुद्ध अख्तियार दुरुपयोग अुनसन्धान आयोगमा करोडौ रूपयाँको भ्रष्टाचार मुद्धा परेकाे छ ।
आयोगमा बुधबार परेको उजुरीमा असार १ गते जोखिमयुक्त कम्पनी भन्दै ५१ वटा नाम सार्वजनिक गर्दा सेयरका ठूला खेलाडिबाट ३५ करोड, बैंकका गभिनी संस्थालाई ब्रोकर लाइसेन्स रोक्न ५० वटा ब्रोकरमा प्रत्येक ब्रोकरबाट २ करोडका दरले १ अर्ब र केही समयअघि अजोड इन्स्योरेन्समा भित्री कारोबार भएको समयमा कम्पनीका अध्यक्षसँग ३ करोड घुस लिएको उजुरीमा उल्लेख छ । बोर्डका अध्यक्ष ढुंगानाले देखिने गरी नै १ अर्ब ३८ करोड भ्रष्टाचार गरेको भन्दै अख्तियारमा उजुरी गरेको हो । उजुरी नम्बर सी-०३५०७४र२०७८–३–२ रहेको छ ।
बोर्डले मंगलबार प्रेस विज्ञप्ति सार्वजनिक गर्दै बोर्डले गठन गरेको अध्ययन समितिले ५१ वटा कम्पनीहरुको सेयर मूल्य चलखेल गरेर वृद्धि गरिएको प्रारम्भिक रिपोर्ट तयार पारेको जानकारी दिएको थियो ।
साेही कारण उनकाविरूद्ध उजुरी परेकाे हाे । अुनसन्धान आयोगमा परेकाे उजुरीमा उनले ५१ वटा नाम सार्वजनिक गर्दा सेयरका ठूला खेलाडीबाट ३५ करोड, बैंकका भगीनी संस्थाहरूलाई ब्रोकर लाइसेन्स रोक्न ५० वटा ब्रोकरमा प्रत्येक ब्रोकरबाट २ करोडका दरले १ अर्ब र केही समयअघि अजोड इन्स्योरेन्समा भित्री कारोबार भएको समयमा कम्पनीका अध्यक्षसँग ३ करोड घुस लिएको उल्लेख गरिएकाे छ ।
नेपाल धितोपत्र बोर्डले असार १ गते सोमबार जोखिमयुक्त कम्पनी भन्दै ५१ कम्पनीको सूची सार्वजनिक गरेको र अनुसन्धानका नाममा लगानीकर्ता तर्साएर ठुला खेलाडीहरुलाई पोस्ने बदनियतका साथ ढुंगानाले ठुला खेलाडीबाट ३५ करोड रुपैयाँ उठाएको उजुरीपत्रमा उल्लेख छ । उक्त रकम अध्यक्ष ढुंगानाले आफ्ना ससुराली खलकका आफन्तका नाममा र केही रकम साथीभाइका नाममा सेयर नै उठाएर कालोधनलाई सेतो बनाउने प्रयास गरेको पनि त्यहाँ उल्लेख छ ।
