आइतबार, कार्तिक २२ २०८३
आइतबार, कार्तिक २२ २०८३
काठमाण्डौ l राष्ट्रपतिले संविधानको धारा ७६,उपधारा ३ बाट फड्किएर ५ अन्तर्गतको सरकार गठनका लागि आव्हान गरेपछि राजनीतिक दौडधुप बढेका बेला प्रधानमन्त्री केपी शर्मा ओली भने दुई विकल्पका साथ ढुक्क रहेको बताइएको छ ।
जसपाका अध्यक्ष महन्थ ठाकुरले हिजो राति आफू र रास्ट्रपतिसामु १९ जना सांसद रहेको बताएपछि प्रधानमन्त्री ओली विपक्षीको रणनीतिलाई काउन्टर दिनेगरी तयारीमा रहेको विशेष स्रोतले बताएको छ ।
अर्को गठवन्धनले ५ बजेअघि नै सरकारमा दावी गरे आफ्नो बहुमत देखाउने नत्र संसद विघटनको सिफारिस गर्ने तयारीमा बालुवाटार जुटेको स्रोत बताउँछ ।
यदि विपक्षीले ५ बजेअगावै दाबी गर्न गए एमालेको १२१ र महन्थको १९ देखाएर राष्ट्रपतिले ओलीलाई नै नियुक्त गर्ने पक्कापक्की छ’, स्रोत भन्छ, ‘विपक्षीको दाबी गएन भने आजै साँझ प्रतिनिधिसभा विघटनको सिफारिस पठाउने तयारी गरेर बालुवाटार ढुक्कले बसेको छ ।’
यता, माधव नेपाल पक्षका सांसदहरुको राजीनामाले पनि अब काम नगर्ने अवस्था बनेको छ । ७६ को ५ अन्तर्गत नियुक्त भएर विश्वासको मत नलिंदै संसद विघटनमा जाने प्रधानमन्त्रीको तयारीले उनीहरुको राजीनामा अर्थहीन बन्ने देखिएको हो ।
‘पहिला नै दिएको भए एउटा कोर्शमा राजनीति जान्थ्यो, अब काम छैन । किनभने अब ७६९२० मा जाँदैन । बरु ५ मा दलको ह्वीप लाग्दैन तर ५ मा विश्वासको मत नलिने र विघटनमा पुर्याउने तयारी देखिन्छ’, स्रोत भन्छ । जनआश्था साप्ताहिकमा खबर छ l
