सबै परीक्षा स्थगित

बढ्दै गरेको कोरोना संक्रमणको दोस्रो लहरलाई रोकथाम गर्ने उद्देश्यले कोभिड संकट व्यवस्थापन केन्द्र (सीसीएमसी) ले अर्को आदेश नभएसम्मका लागि भौतिक उपस्थितिमा हुने पूर्वनिर्धारित सबै परीक्षा स्थगित गर्ने निर्णय गरेको छ ।

आइतबार दिउँसो बसेको सीसीएमसीको बैठकले विद्यार्थीहरुको पढाईलाई भर्चुअल र वैकल्पिक माध्यमबाट जारी राख्ने निर्णय समेत गरेको छ ।

हाल स्नातकको विभिन्न तहको परीक्षा सञ्चालन भइहरेको र हुने क्रममा छ । प्रधानमन्त्री कार्यालय बालुवाटारमा बसेको बैठकले स्थान हेरेर निषेधाज्ञा र लकडाउन गर्न सिफारिसमेत गरेको छ ।

पछिल्लो समय नेपालमा कोरोना भाइरसको संक्रमण तीव्र गतिमा फैलिरहेको छ । विज्ञहरूले तत्काल स्वास्थ्य सावधानी अपनाउन सरकारलाई सुझाव दिएका छन् ।

आइतबार (१२ वैशाख) मात्रै ३१ सय २२ जना कोरोना संक्रमित भएका छन् भने २८ जनाले ज्यान गुमाएका छन् ।