नेपालको आर्थिक बृद्धि दुई दशमलव सात प्रतिशतले बृद्धि हुने,  तेस्रो त्रैमाससम्म अझै अर्थतन्त्र नकारात्मक

काठमाडौं। विश्व बैंकले यो वर्ष नेपालको आर्थिक बृद्धि दुई दशमलव सात प्रतिशतले बृद्धि हुने बताएको छ  । अपेक्षा गरेभन्दा बढि रेमिट्यान्स आएकाले यो आर्थिक बृद्धि संभव भएको हुन बिश्व बैकको निष्कर्ष छ ।

कुल गार्हस्थ उत्पादनको तुलनामा सबैभन्दा उच्च रेमिट्यान्स प्राप्त गर्ने देशहरुमध्ये नेपाल बिश्वमा नै तेस्रो स्थानमा छ ।  कुल गार्हस्थ उत्पादनको  झन्डै २७ प्रतिशत बराबर हुने गरि नेपालमा रेमिट्यान्स आउछ । अपेक्षा गरिएको भन्दा बढि आएको रेमिट्यान्स  मात्रै होइन, कोरोना महामारी बिरुद्ध लगाइएको खोपका कारण पनि आर्थिक गतिबिधी चलायमान भएको र छिट्टै  सुधार आएको बिश्व बैंकको भनाई छ । यसअघि भने बिश्व बैंकले यो वर्षको आर्थिक बृद्धि शुन्य दशमलव ६ प्रतिशतले बृद्धि हुने आकलन गरेको थियो ।

यता सरकारले भने यो वर्ष झन्डै सात प्रतिशतको आर्थिक बृद्धि हुने आकलन  गरेको छ । जबकी  विश्व बैंकले  यो वर्षको तेस्रो त्रैमाससम्म अझै अर्थतन्त्र नकारात्मक नै रहने बताएको छ ।

साथै दक्षिण एसिया क्षेत्रमा सरकारहरुले लिएका आर्थिक पुनरुत्थानका कार्यक्रमसँगै सहुलियतपुर्ण ऋणका कारण  यो वर्ष  यो क्षेत्रको आर्थिक बृद्धि सात दशमलव दुई प्रतिशतले बृद्धि हुने विश्व बैंकको अध्ययनमा  उल्लेख गरिएको छ । छिमेकी मुलुक भारतको भने सबैभन्दा बढि अर्थात १० दशमलव एक प्रतिशतले आर्थिक बृद्धि हुने बताएको छ ।   श्रीलंकाको भने सबैभन्दा बढि अर्थतन्त्र नकारात्मक दिशामा जाने  विश्व बैंकको भनाई छ ।