आइतबार, कार्तिक २२ २०८३
आइतबार, कार्तिक २२ २०८३
शनिबार, असार १४ २०८२
काठमाडौं । प्रधानमन्त्री केपी शर्मा ओलीले समाजको हरेक सकारात्मक पहलकर्ताले गाली पाउने प्रवृत्ति अति भइसकेको टिप्पणी गरेका छन् ।
प्रधानमन्त्री ओलीले पछिल्लो समय सामाजिक सञ्जालमा आलोचकहरूलाई प्रतिवाद गर्ने गायिका समिक्षा अधिकारी र एलिना चौहानको भण्डाफोर अभियानलाई समर्थन गर्दै यस्तो बताएका हुन् ।
एलिना–समीक्षाको ‘भण्डाफोर अभियान’को तारिफ गर्दै प्रधानमन्त्रीले दुवैलाई साहसी छोरीहरु भनेर सम्बोधन गरेका छन् ।
समीक्षा र एलिनाले आफ्नो आत्मसम्मानमा ठेस पुर्याउने तथा अभद्र र छुद्र शब्दहरू प्रयोग गरेर कमेन्ट गर्ने प्रयोगकर्ताको कमेन्ट र फोटो आफ्नो सञ्जालमा सार्वजनिक गर्ने तरिका सही लागेका उनले बताएका छन् ।
उनले समाजमा बढ्दो गाली प्रवृत्तिप्रति चिन्ता व्यक्त गरेका छन्। आफू राम्रो देखिन अरूको दोष देखाएर गाली गर्ने, सधैं विरोध र सराप गर्ने परपीडक मानसिकता समाजका लागि खतरनाक भएको ओलीको भनाइ छ।
