आइतबार, कार्तिक २२ २०८३
आइतबार, कार्तिक २२ २०८३
शुक्रबार, बैशाख २६ २०८२
काठमाडौं । सत्तारुढ दल नेपाली काँग्रेसले आफ्नो पार्टी कुनैपनि किसिमको आतंकवादको बिरुद्धमा रहेको बताएको छ ।
शुक्रवार पार्टी सभापति शेरबहादुर देउवाको निवास बुढानीलकण्ठमा बसेको पार्टीको पदाधिकारी र पूर्वपदाधिकारीको बैठकपछि बोल्दै पार्टीका प्रवक्ता डा. प्रकाशशरण महतले काँग्रेस आतंकवादको बिरुद्धमा रहेको बताए ।
उनले आतंकवादको खिलापमा हुने कारबाहीलाई कांग्रेसले जायज मान्ने पनि बताए ।
उनले भने, ‘हामी जहिले पनि आतंकवादको खिलापमा हुने कारवाहीलाई जायज ठान्छौँ । आतंकवादलाई कसैले पनि प्रशय नदेओस् भन्ने पक्षमा छौं
उनले भारत र पाकिस्तानको बीचमा भइरहेको द्वन्द्वप्रति पार्टीले निहत्था नागरिकमाथि भएको आक्रमणको निन्दा गरेको बताए ।
उनले पाकिस्तान र भारतबीच चाँडै शान्ति कायम होस् भन्ने पक्षमा आफूहरु रहेको पनि बताए ।
उनले आतंकवादलाई कसैले पनि प्रश्रय दिन नहुने बताए ।
यस्तै प्रवक्ता डा.महतले सभापति शेरबहादुर देउवाको भनाइ उद्धृत गर्दै राष्ट्र बैंकको नेतृत्व मौद्रिक र वित्त नीतिलाई समन्वयात्मक ढंगबाट अगाडि बढाउनसक्ने व्यक्ति गभर्नर बन्नुपर्ने बताएको जानकारी दिए ।
प्रवक्ता महतले सरकारमा रहेका राजनीतिक दलहरुको सहमतिबाटै गभर्नरको नियुक्ति हुने बताए ।
