शनिबार, मंसिर ५ २०८३

शनिबार, मंसिर ५ २०८३

आज कोशी र मधेशमा आंशिक बदली, अन्य प्रदेशमा मौसम सफा रहने

शुक्रबार, मंसिर ४ २०८३

काठमाडौं । हाल नेपालमा कुनै उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ ।

महाशाखाका अनुसार देशको हिमाली भूभागमा आंशिक बादल लागेको छ भने तराईका अधिकांश स्थान, उपत्यका तथा खोँचहरूमा तुवाँलो र हुस्सु लागेको छ ।

आज दिउँसो कोशी र मधेश प्रदेशमा आंशिक बदली रहने अनुमान गरिएको छ । देशका बाँकी भूभागमा भने मौसम मुख्यतया सफा रहने महाशाखाले जनाएको छ ।

त्यस्तै, आज राति पनि कोशी र मधेश प्रदेशमा आंशिक बदली रहनेछ भने अन्य प्रदेशमा मौसम मुख्यतया सफा रहने पूर्वानुमान छ ।

महाशाखाका अनुसार भोलि बिहान तराईका भूभाग, उपत्यका तथा खोँचहरूका केही स्थानमा हुस्सु तथा कुहिरो लाग्ने सम्भावना छ ।