बुधबार, साउन १३ २०८३
बुधबार, साउन १३ २०८३
आइतबार, जेष्ठ १७ २०८३
काठमाडौँ । एसियन गेम्स क्वालिफायर्समा नेपालले विजयी सुरुआत गर्दै चीनलाई २२१ रनको विशाल अन्तरले पराजित गरेको छ।
टस जितेर पहिले फिल्डिङ रोजेको चीनविरुद्ध नेपालले ब्याटिङ र बलिङ दुवै विभागमा उत्कृष्ट प्रदर्शन गर्दै एकपक्षीय जित निकालेको हो।
नेपालका ओपनर कुशल भुर्तेलको विस्फोटक शतकको मद्दतमा निर्धारित ओभरमा दुई विकेट गुमाएर ३१३ रनको विशाल योगफल तयार गरेको थियो। आक्रामक लयमा देखिएका भुर्तेलले चिनियाँ बलरमाथि दबाब सिर्जना गर्दै नेपाललाई बलियो अवस्थामा पुर्याएका थिए।
३१४ रनको लक्ष्य पछ्याएको चीन नेपाली बलरहरूको कसिलो आक्रमणसामु टिक्न सकेन। चीनको सम्पूर्ण टोली ९२ रनमै समेटिएपछि नेपालले २२१ रनको फराकिलो जित दर्ता गर्यो।
यस जितसँगै नेपालले प्रतियोगितामा उत्कृष्ट सुरुआत गरेको छ भने आगामी खेलका लागि पनि बलियो आत्मविश्वास हासिल गरेको छ।
