बुधबार, कार्तिक ११ २०८३
बुधबार, कार्तिक ११ २०८३
सोमबार, चैत्र ९ २०८२
पोखराको सूर्य दर्शन सहकारीको पीडित भनिएका कृष्ण जैसी आफै सहकारी ठगीमा संलग्न भएको पाइएको छ ।
धनुष सहकारी ठगी प्रकरणमा संलग्न देखिएका उनलाई प्रहरीले आज नियन्त्रणमा लिएको हो ।
जैसीले निर्वाचन अघि पोखरामा आयोजित एक अन्तर्क्रिया कार्यक्रममा कास्की क्षेत्र नम्बर ३ बाट उम्मेदवार बनेकी रास्वपाकी बिना गुरुङलाई ८० हजारको बिल बुझाएका थिए ।
रास्वपा सभापति रवि लामिछानेले सहकारीबाट लिएको पैसा फिर्ता नगरेको कारण आफ्ना बालबच्चालाई विद्यालयले निष्कासन गर्न लागेको भन्दै उनले गुरुङलाई बिल बुझाएका हुन् ।
त्यतिबेला धेरैले उनीप्रति सहानुभूति व्यक्त गर्दै प्रशंसा समेत गरेका थिए ।
तर उनै जैसी भने आफै सहकारी ठगीमा संलग्न भएको प्रहरी अनुसन्धानबाट खुलेको छ ।
उनले सहकारीका पदाधिकारीसँग मिलेमतो गरेर झण्डै १२ करोड अपचलन गरेको पाइएको हो ।
आज उनलाई पोखराबाट नियन्त्रणमा लिइएको कास्की प्रहरी प्रमुख (एसपी) नविन कार्कीले जानकारी दिए ।
उनका अनुसार सहकारी रजिष्ट्रारका कार्यालयले जैसीसहित धनुष सहकारीका पदाधिकारीलाई नियन्त्रणमा लिएर अनुसन्धान गर्न पत्राचार गरेको थियो ।
सोही बमोजिम उनी समातिएका हुन् । एसपी कार्कीले जन भने, ‘यो सहकारी ठगीमा २० जनाभन्दा बढीको संलग्नता देखिन्छ, केहीलाई पक्राउ गरिसक्यौँ, केहीको खोजी भइरहेको छ ।’
