मंगलबार, कार्तिक २४ २०८३
मंगलबार, कार्तिक २४ २०८३
बुधबार, फाल्गुन १६ २०८०
काठमाडौं । सत्तारुढ नेकपा (माओवादी केन्द्र) को स्थायी कमिटीको बैठक पेरिसडाँडास्थित पार्टी कार्यालयमा बसिरहेको छ । बिहान साढे ८ बजेदेखि बैठक सुरु भएको हो ।
आजको बैठकले नेताहरूको कार्यविभाजनबारे निर्णय लिने माओवादी नेताहरूले जानकारी दिएका छन् । मंगलबार बसेको बैठकमा प्रदेश इन्चार्जहरूको विषयमा छलफल भएको थियो । त्यसबारे आज निर्णय हुने बताइएको छ ।
त्यस्तै माओवादी केन्द्रको बैठकमा नेपाली कांग्रेससँगको वर्तमान सत्ता गठबन्धनको विषयमा पनि छलफल भएको थियो । मंगलबारको बैठकमा राष्ट्रियसभाको अध्यक्ष नछाड्न नेताहरूले पार्टी नेतृत्वलाई दबाब दिएका थिए ।
त्यस्तै बैठकमा कांग्रेसको महासमिति बैठकका सम्बन्धमा पनि नेताहरूले चासो राखेका थिए । सुदूरपश्चिम प्रदेशमा माओवादी संसदीय दलमा देखिएको विवादले पनि बैठकमा प्रवेश पाएको छ ।
