बिहिबार, कार्तिक १२ २०८३
बिहिबार, कार्तिक १२ २०८३
आइतबार, कार्तिक ३० २०८२
काठमाडौँ । नेपाल क्रिकेट संघ (क्यान)ले नेपाल प्रिमियर लिग (एनपीएल) को दोस्रो संस्करणका लागि आवश्यक सबै तयारी पूरा भएको घोषणा गरेको छ।
शनिबार काठमाडौँमा आयोजित पत्रकार सम्मेलनमा क्यानले सोमबारदेखि सुरु हुने एनपीएलका खेलहरू यसपटक मुख्यतः फ्लडलाइटमा डे–नाइट हुने जानकारी दियो।
क्यानका सचिव पारस खड्काका अनुसार, पाँच महिनादेखि गरिएको तयारीपछि क्यान डे–नाइट म्याच सञ्चालन गर्न पूर्ण रूपमा तयार छ।
यस संस्करणको विजेताले १ करोड १० लाख रुपैयाँ पुरस्कार पाउनेछ, जसलाई अहिलेको नेपाली क्रिकेट इतिहासमै सबैभन्दा आकर्षक नगद पुरस्कार मानिन्छ।
क्यानको आम्दानी लक्ष्य
एनपीएलको दोस्रो संस्करणबाट क्यानले ३०–४० करोड रुपैयाँसम्म आम्दानी हुने अनुमान गरेको छ।
यसमा टिकट बिक्रीबाट ८ देखि १२ करोड रुपैयाँ र बाँकी रकम स्पोन्सर र अन्य स्रोतबाट उठ्ने अपेक्षा गरिएको क्यानका कोषाध्यक्ष पदम बहादुर खड्काले बताए।
एनपीएलको दोस्रो संस्करण नेपाली क्रिकेटलाई व्यावसायिकता र आधुनिक प्रविधितर्फ लैजाने महत्वपूर्ण मोडका रूपमा हेरिएको छ।
