मंगलबार, कार्तिक २४ २०८३
मंगलबार, कार्तिक २४ २०८३
बिहिबार, पुष २५ २०८१
काठमाडौं । न्याय सेवातर्फका दुई सचिव र ९ सहसचिवसहित २ सय ४२ जना अधिकृतको एकैपटक सरुवा भएको छ । न्याय सेवा आयोगको बुधबार बसेको बैठकले नेपाल न्याय सेवा राजपत्राङ्कित विशिष्ट श्रेणी सचिव वा सो सरहका दुई कर्मचारीको सरुवा गरेको हो ।
यस्तै बैठकले न्याय सेवा, न्याय समूह राजपत्राङ्कित प्रथम श्रेणी सहसचिव वा सो सरहका पदका नौँ सहसचिवको पनि सरुवा गरेको छ । जसमा नेपाल न्याय सेवा, न्याय समूहका सहसचिव एवम उच्च अदालत पाटन अन्तरतग हेटौडा इजलाशमा कार्यरत रजिष्ट्रार रामप्यारी सुनुवारको न्याय परिषद् सचिवालयमा सरुवा भएको छ ।
यसैगरी नेपाल न्याय सेवा, कानून समूहतर्फका कानून, न्याय तथा संसदीय मामिला मन्त्रालयमा कार्यरत निर्मला अधिकारीको प्रधानमन्त्री तथा मन्त्रिपरिषद्को कार्यालयमा सरुवा भएको छ भने उर्जा, जलस्रोत तथा सिंचाई मन्त्रालयमा कार्यरत इन्दिरा दाहालको निर्वाचन आयोगमा सरुवा भएको छ भने प्रधानमन्त्री तथा मन्त्रिपरिषद्को कार्यालयमा कार्यरत यज्ञप्रसाद भट्टराईको अर्थ मन्त्रालयमा, अर्थ मन्त्रालयमा कार्यरत बलसागर गिरीको रक्षा मन्त्रालयमा सरुवा भएको छ ।
विभिन्न निकायमा कार्यरत नेपाल न्याय सेवा न्याय समूहतर्फका १३, कानून समूहका ३४ र सरकारी वकिल समूहका ४० जना गरेर ८७ जना उपसचिवको पनि सरुवा भएको छ भने सरकारी वकिल समूहका १०७, कानून समूहका २५ र न्याय समूहका १२ गरेर १४४ शाखा अधिकृतको पनि सरुवा भएको छ ।
बैठकले जेष्ठता र कार्यसम्पादन मूल्यांकनका आधारमा न्याय समूहका ३, सरकारी वकिल समूहतर्फका ३ र कानून सहूतर्फका २ गरेर ८ जना उपसचिवलाई सहसचिवमा बढुवा, नियुक्ति तथा पदस्थापनका लागि सिफारिस गरेको छ भने दुई उपसचिवलाई सहसचिवमा बढुवा, नियुक्ति तथा पदस्थापनका लागि बैठकले सिफारिस गरेको छ ।
हेर्नुहोस् सूची
