बुधबार, कार्तिक २५ २०८३
बुधबार, कार्तिक २५ २०८३
संगठन विभाग प्रमुखमा वेदुराम भुसाल विद्यार्थी इन्चार्जको जिम्मेवारी रामकुमारी झाँक्रीलाई
बुधबार, पुष ३ २०८१
काठमाडौं । नेकपा एकीकृत समाजवादीले केन्द्रीय नेताहरूको कार्यविभाजन गरेको छ ।
२६ मङ्सिरमा सुरु भएर मंगलबार सम्पन्न स्थायी कमिटी बैठकले कार्यविभाजनको टुंगो लगाएको हो ।
स्रोतका अनुसार सम्मानित नेता झलनाथ खनालले स्कुल विभागको जिम्मेवारी पाएका छन् भने वेदुराम भुसालले संगठन विभाग प्रमुखको जिम्मेवारी पाएका छन् ।
वरिष्ठ नेता प्रमेश हमालले विदेश विभाग र घनेन्द्र बस्नेतले राजकीय मामिला विभागको जिम्मा पाएका छन् ।
बरिष्ठ उपाध्यक्ष राजेन्द्र पाण्डे मोर्चा संगठनको इन्चार्ज बन्ने भएका छन् । प्रचार विभाग प्रमुख प्रकाश ज्वाला प्रस्ताव गरिएका छन् ।
उपाध्यक्ष जगन्नाथ खतिवडा सङ्घीय तथा प्रादेशिक मामिला प्रमुख, उपाध्यक्ष प्रकाश ज्वाला प्रचार विभाग प्रमुख, उपाध्यक्ष जयन्ती राई अनेमसंघ इन्चार्ज, उपाध्यक्ष भानुभक्त जोशी सुदूरपश्चिम प्रदेश इन्चार्ज, उपाध्यक्ष धर्मनाथप्रसाद साह मधेस प्रदेश इन्चार्ज, उपाध्यक्ष गंगालाल तुलाधरलाई बागमती प्रदेश इन्चार्जको जिम्मेवारी दिइन लागिएको छ ।
विद्यार्थी इन्चार्जको जिम्मेवारी रामकुमारी झाँक्रीले पाउने भएकी छन् । कोशीमा जगन्नाथ खतिवडा,मधेशमा धर्मनाथ साह,वागमतीमा डा गंगालाल तुलाधर,गण्डकीमा श्रीनाथ बराल,लुम्बिनीमा सोम प्रसाद पाण्डे, कर्णालीमा चन्द्रवहादुर शाही र सुदूरपश्चिममा भानुभक्त जोशीलाई इन्चार्ज बनाईने भएको छ ।
