बिहिबार, कार्तिक २६ २०८३
बिहिबार, कार्तिक २६ २०८३
बिहिबार, भाद्र १३ २०८१
काठमाडौं । अमेरिकामा मुना पाण्डेमाथि गोली चलाउने संदिग्ध व्यक्तिको तस्बिर प्रहरीले सार्वजनिक गरेको छ ।
अमेरिकामा नेपाली पत्रकारहरुले संचालन गरेको पोर्टल नेप्योर्कका अनुसार अभियुक्तको तस्बीर सार्बजनिक भएपनि पहिचान भने खुल्न सकेको छैन ।
नेपालमा रहेकी मुनाकी आमाले भने एक अन्तर्वार्तामा उनको हत्या अमेरिकी प्रेमीले गरेको हुनसक्ने बताएकी थिइन् । धेरैले उनको हत्या उनकै प्रेमीले गरेकाे हुनसक्ने जनाइरहेका बेला प्रहरीले भने संदिग्ध व्यक्तिको फोटो सार्वजनिक गरेको छ । उनी को हुन् र कहाँका हुन् भन्नेबारे भने केही नखुलेको अमेरिकन प्रहरीले जनाएको छ ।
सीसीटिभी फुटेजअनुसार मुना मृत भेटिएको स्थानमा अभियुक्त अगस्ट २४ को बेलुका ९ बजेर ४८ मिनेटमा देखिएको प्रहरीले जनाएको छ ।
अमेरिकाको टेक्सास राज्यको ह्युस्टनस्थित अपार्टमेण्टमा नेपाली विद्यार्थी मुना पाण्डेको गोली हानेर हत्या गरिएको थियो । नेपालमा भोजपुरकी पाण्डे सन् २०२१ मा अध्ययनका लागि अमेरिका पुगेकी थिइन् ।
२१ वर्षीया मुनाको हत्या किन भयो भन्ने बारे प्रहरी अहिले पनि अनुसन्धानमै रहेको छ ।
