बुधबार, कार्तिक ११ २०८३
बुधबार, कार्तिक ११ २०८३
काठमाडौं । नेकपा माओवादी केन्द्र केन्द्रीय समितिको बैठक सरेको छ । माओवादीको केन्द्रीय समितिको बैठक बुधबार दिउँसो १ बजेका लागि बोलाइएको थियो ।
तर, संसद बैठक बस्ने भएकाले बिहीबार बिहान ११ बजे बस्ने गरी सारिएको पार्टी अध्यक्ष पुष्पकमल दाहाल प्रचण्डका स्वकीय सचिव रमेश मल्लले जानकारी दिए ।
माओवादीको बैठक आइतबारदेखि सुरु भएको हो ।
हिजो बस्ने भनिएको बैठक पनि पार्टीको आन्तरिक समस्याका कारण आजलाई सारिएको थियो ।
आज बस्ने भनिएकाे बैठकमा पदाधिकारीसहित स्थायी कमिटी घोषणा गर्ने भनिएको थियो ।
मंगलबारको पूर्वस्थायी कमिटी र ईञ्चार्जको बैठकले स्थायी कमिटी र पदाधिकारीको प्रस्ताव अध्यक्ष ‘प्रचण्ड’ले मार्फत ल्याउने निर्णय गरेको थियो ।
