बुधबार, साउन १३ २०८३
बुधबार, साउन १३ २०८३
बार्सिलोनो छोड्दा तुरुक्कै रोएका अर्जेन्टिनाका फरवार्ड लियोनल मेस्सी दुई वर्षकालागि फ्रान्सेली क्लब पेरिस सेन्ट जर्मेइन (पीएसजी) मा आउन सहमत भएका छन् ।
बार्सिलोनाबाट अलग भएकोे औपचारिक घोषणा गर्न सोमबार आयोजित पत्रकार सम्मेलनमा आफ्ना समर्थकमाझ मेसी भावविह्वल बनेका थिए । त्यसको भोलिपल्टै मेसीले पीएसजी जोइन गर्ने औपचारिक पुष्टि भएको हो ।
६ पटकसम्म बालोन डी ओर जितेका मेस्सीले गत हप्ता मात्रै बार्सिलोना छोडेका थिए । पीएसजीले प्रति वर्ष मेसीलाइ २५ मिलियन युरो दिने सम्झौता गरेको छ ।
मेस्सीले पीएजसीसँग थप एक वर्ष अनुबन्ध लम्ब्याउन सक्ने विकल्प पनि रहनेछ र थप एक वर्षमा पनि २५ मिलियन युरो नै पाउने बताइएको छ ।
मेस्सीले बार्सिलोनामै रहने चाहना व्यक्त गर्दै आएका थिए । तर बार्सिलोनाले आर्थिक संकट देखाउदै उनको सम्झौता नविनकरण गरेन ।
