आइतबार, कार्तिक २२ २०८३
आइतबार, कार्तिक २२ २०८३
काठमाडौं । राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा प्रहरी प्रधान कार्यालय सवारी महाशाखामा संचालन हुने १५ औं समूहको सवारी चालक उन्नत (यान्त्रिक ज्ञान) तालिम सुरु भएको छ ।
सोही महाशाखाका प्रहरी वरिष्ठ उपरीक्षक ई.नरोत्तम लाल प्रधानले बिहीबार महाशाखामा आयोजित एक कार्यक्रमबीच उक्त तालिमको उद्घाहटन गर्नुभयो । संगठनलाई आवश्यक पर्ने दक्ष सवारी चालक तथा मेकानिकको आवश्यकता परिपूर्ति गर्नका लागि आधुनिक प्रविधिको प्रयोग गरी तालिम सुरु गरिएको उहाँले बताउनुभयो ।
जम्मा ३० कार्यदिन अवधि रहेको उक्त तालिममा प्रहरी हवल्दार ६ जना र प्रहरी जवान २६ जना गरी कुल ३२ जना प्रशिक्षार्थीको सहभागिता रहेको तालिम संयोजक प्रहरी नायव उपरीक्षक ई. कमलेन्द्र लाल कर्णले जानकारी दिनुभयो ।
हालसम्ममा ४ सय ५४ जना प्रहरी कर्मचारीहरुले सवारी चालक उन्नत तालिम हासिल गरिसकेको उक्त महाशाखाले जनाएको छ ।
