शुक्रबार, कार्तिक १३ २०८३
शुक्रबार, कार्तिक १३ २०८३
शुक्रबार, चैत्र १३ २०८२
काठमाडौं । संविधानविद् डा. भीमार्जुन आचार्यले जेनजी आन्दोलन घटना जाँचबुझ आयोगको प्रतिवेदनप्रति सामाजिक सञ्जालमार्फत कडा टिप्पणी गरेका छन् ।
उनले प्रतिवेदनलाई “गाईको बारेमा निबन्ध लेख्न भनेकोमा विद्यार्थीले चार ओटा खुट्टा मिल्छ नि भनेर गधाको निबन्ध कपी बुझाए जस्तो” भएको उल्लेख गर्दै अप्रभावकारी र अधुरो भएको टिप्पणी गरेका हुन् ।
डा. आचार्यका अनुसार भदौ २३–२४ का संवेदनशील घटनामा ठूलो जनद्रोह र देशद्रोहसम्बन्धी विषय भए पनि प्रतिवेदनमा त्यसलाई पूरै विषयान्तर गरिएको छ र आयोगले ती घटनालाई ठीकसँग प्रतिनिधित्व गर्न सकेको छैन। “उक्त घटनाका योजनाकार र संलग्नहरूको चाहना यही थियो, शायद पूरा भयो। देश अझैँ देश जस्तो हुन सकेन,” उनले भनेका छन्।
उनले राज्यका पदाधिकारीहरूले जनताको करबाट पालिनु हुँदाहुँदै देश र जनताको सट्टा अन्यका सेवक जस्तो व्यवहार देखाएको उल्लेख गर्दै आयोगको प्रतिवेदनले सत्यताको उचित मूल्याङ्कन नगरेको बताएका छन् ।
डा. आचार्यको टिप्पणीलाई संवेदनशील राजनीतिक घटना र यसको कानूनी–सामाजिक प्रभावको सन्दर्भमा महत्वपूर्ण कदमको रूपमा लिन सकिन्छ।
