शनिबार, कार्तिक २१ २०८३
शनिबार, कार्तिक २१ २०८३
सोमबार, मंसिर १५ २०८२
काठमाडौं । प्रदेश १ को राजधानी विराटनगरमा नेपाली कम्युनिष्ट पार्टीको एकता सन्देश सभा सुरु भएको छ ।
पार्टी एकताको सन्देश आम जनसमुदायमा पुर्याउने उद्देश्यले विराटनगरमा प्रदेश स्तरीय एकता सन्देश सभा आयोजना गरिएको नेता हरिबोल गजुरेलले जानकारी दिए ।
विराटनगरको गुद्री बजारमा सुरु भएको हो । सभालाई नेपाली कम्युनिष्ट पार्टीका संयोजक पुष्पकमल दाहाल प्रचण्ड, सहसंयोजक माधव कुमार नेपालसहितका शीर्ष नेताहरुले सम्बोधन गर्ने कार्यक्रम रहेको छ ।
सभामा सहभागी हुन मोरङ, सुनसरी, उदयपुर, धनकुटा, झापा लगायतका १४ वटै जिल्लाबाट नेता कार्यकर्ता, समर्थक, शुभेच्छुक भेला भएका छन् । १२ मंसिरमा कैलालीको धनगढीमा एकता सन्देश सभा सुरु भएको थियो । यसअघि लुम्बिनी र पोखरामा पनि सन्देश सभा सम्पन्न भइसकेको छ । अन्य प्रदेशहरूमा पनि यस्ता सभाहरूको आयोजना गर्ने तयारी अन्तिम चरणमा पुगेको छ ।
यी सभाहरूले पार्टीको एकताको सन्देशलाई ग्रामीण तथा शहरी क्षेत्रसम्म पुर्याउने लक्ष्य राखेको छ । पार्टीका नेताहरुले यी कार्यक्रमहरूबाट एकताको भावना मजबुत बन्ने र आगामी राजनीतिक क्रियाकलापमा सकारात्मक प्रभाव पार्ने अपेक्षा व्यक्त गरेका छन् ।
