बिहिबार, कार्तिक १२ २०८३
बिहिबार, कार्तिक १२ २०८३
सोमबार, असोज २० २०८२
काठमाडौं । राजधानी उपत्यकासहितका सबै सार्वजनिक कार्यालयहरू आज (सोमवार) खुलेका भए पनि नेपाल स्टक एक्सचेञ्ज (नेप्से)ले भने आज पनि शेयर कारोबार बन्द राखेको छ।
सरकारले असोज १८ गतेको भीषण बाढी–पहिरोका कारण शनिबार विज्ञप्ति जारी गर्दै आइतवार र सोमवार सार्वजनिक बिदा दिने निर्णय गरेको थियो। त्यसअनुसार आइतवार देशभर बिदा रह्यो। तर आइतवार साँझ सरकारले अर्को सूचना जारी गर्दै विपद् जोखिम कम भएका जिल्लामा सोमवारदेखि कार्यालय सञ्चालन गर्न निर्देशन दिएको थियो।
सोही निर्देशनअनुसार जिल्ला प्रशासन कार्यालय काठमाडौंले सोमवार बिदा कटौती गर्दै सबै प्रकारका सरकारी र सार्वजनिक कार्यालय खोल्न निर्देशन जारी गरेको थियो। तर नेप्सेले भने आज कारोबार खुलाएन।
नेप्सेले एक सूचनामार्फत **शेयर कारोबार मंगलवार (असोज २१ गते)**देखि मात्रै पुनः सञ्चालन हुने जानकारी दिएको छ।
यसअघि पनि प्राकृतिक विपद्का बेला नेप्सेले सुरक्षाको कारण देखाउँदै सर्वसाधारणको पहुँच सीमित हुँदा कारोबार स्थगित गर्ने गरेको छ।
