सुनको मूल्यमा नयाँ रेकर्ड, कति पुग्याे आज ?

काठमाडौँ । नेपाली बजारमा मंगलबार सुनको मूल्यले नयाँ रेकर्ड कायम गरेको छ।

नेपाल सुनचाँदी व्यवसायी महासंघका अनुसार मंगलबार एकै दिन तोलामा ३ हजार ९०० रुपैयाँले बढेको हो।

यससँगै प्रतितोला सुनको मूल्य २ लाख २१ हजार ७०० रुपैयाँ कायम भएको छ। सोमबार प्रतितोला सुनको मूल्य २ लाख १७ हजार ८०० रुपैयाँ थियो ।

यसैगरी चाँदी तोलामा ३० रुपैयाँले बढेर प्रतितोला २ हजार ६८० रुपैयाँमा कारोबार भइरहेको छ।

सोमबार प्रतितोला चाँदी २ हजार ६५० रुपैयाँमा खरिदबिक्री भएको थियो।