बिहिबार, साउन १४ २०८३
बिहिबार, साउन १४ २०८३
बुधबार, असार ३२ २०८२
काठमाडौं । नेपाली कांग्रेसका नेता तथा पूर्व गृहमन्त्री बालकृष्ण खाँणले राजनीतिक सक्रियता बढाएका छन् ।
उनी यतिवेला कोशी प्रदेशको भ्रमणमा छन् । आज उनी विराटनगरमा रहेको ऐतिहासिक कोइराला निवासमा पुगेका छन् ।
उनीसँगै सहमहामन्त्री महेन्द्र यादवपनि थिए ।
कोइराला निवासमा पत्रकारहरूसँग कुरा गर्दै नेता खाँणले कोइराला निवासलाई कांग्रेसजनका लागि ‘पवित्र भूमि’को संज्ञा दिँदै यसलाई कुनै गुटको केन्द्रको रूपमा हेर्न नहुने बताए ।
उनले भने,‘कोइराला निवास मेरा लागि तीर्थ हो। यो पवित्र भूमि हो। यहाँ कृष्णप्रसाद, बीपी र गिरिजा बसेका थिए। मैले यो भूमिलाई स्पर्श गर्ने चाहना राखेको थिएँ, आज त्यो पूरा भयो।’ उनले भने, ‘यहाँ आएर कोइरालाको भूमिलाई स्पर्श गर्दा सत्प्रयासमार्फत् अगाडि बढ्न थप ऊर्जा मिल्छ ।’
