आइतबार, कार्तिक २२ २०८३
आइतबार, कार्तिक २२ २०८३
आइतबार, असार २९ २०८२
कपिलवस्तु । पूर्व–पश्चिम राजमार्गअन्तर्गत कपिलवस्तुको बुद्धभूमि नगरपालिका–९ स्थित सडक खण्डमा यात्रुबाहक बस दुर्घटना हुँदा २६ जना घाइते भएका छन्।
दाङतर्फ गइरहेको लुम्बिनी प्रदेशको ०२–००१ ख ००४५ नम्बरको यात्रुबाहक बस आज बिहान करिब ४ बजे आफैं अनियन्त्रित भई दुर्घटना भएको जिल्ला प्रहरी कार्यालय कपिलवस्तुका सूचना अधिकारी डिएसपी मोहनमणि अधिकारीले जानकारी दिए ।
उनका अनुसार २६ जना यात्रु घाइते भएका छन्। एक जनाको अवस्था गम्भीर छ । अधिकांश घाइतेलाई सामान्य उपचारपछि डिस्चार्ज गर्ने तयारी भइरहेको अधिकारीले जानकारी दिए।
प्रहरीका अनुसार घाइतेहरूलाई नजिकैका कपिलवस्तु र रुपन्देहीस्थित विभिन्न अस्पतालहरूमा उपचारका लागि लगिएको छ। दुर्घटनाबारे थप अनुसन्धान भइरहेको प्रहरीले जनाएको छ।
