सोमबार, कार्तिक २३ २०८३
सोमबार, कार्तिक २३ २०८३
शुक्रबार, चैत्र २९ २०८१
झापा । दुर्गा प्रसाईंलाई भारतीय सुरक्षाकर्मीले नेपाल प्रहरीलाई केहीबेर अघि जिम्मा लगाएको छ ।
उनलाई आज बिहान भारत आसामको गुवाहाटी हुँदै गाडीमा राखेर झापाको काँकडभिट्टा ल्याइएको थियो । झापा ल्याउने बेला नेपाल प्रहरी र सशस्त्र प्रहरीले स्कर्टिङ गरेका थिए ।
पूर्वीनाका काँकरभिट्टाको मेची पुलमा भारतीय सुरक्षाकर्मीले नेपाल प्रहरीलाई जिम्मा लगाएको हो । नेपाल प्रहरीले काँकरभिट्टामा जिम्मा लिएर उनलाई सिधै भद्रपुर विमानस्थल लगेको छ ।
प्रसाईंलाई बुद्ध एयरको उडानबाट काठमाडौँ लाने तयारी भइरहेको छ ।
सिलगुडीमा लुकेर हिजो भागेका प्रसाईलाईं आसाममा स्थानीय प्रहरीले पक्राउ गरेको थियो । नेपाल प्रहरीको समन्वयमा प्रसाईंलाई पक्राउ गरेको हो ।
गत १५ चैत काठमाडौंको तीनकुनेमा भएको प्रदर्शनमा हिंसा भड्काएर फरार भएका प्रसाईं फरार भएका थिए ।
प्रसाईंमाथि चैत १५ गते तीनकुनेमा भएको प्रदर्शनमा हिंसा भड्काएको आरोप छ । राजावादीको हिंसात्मक प्रदर्शनमा एक पत्रकारसहित दुई जनाको ज्यान गएको थियो भने दर्जनौं घर र गाडीमा तोडफोड र आगजनी गरिएको थियो ।
