सोमबार, कार्तिक २३ २०८३
सोमबार, कार्तिक २३ २०८३
सोमबार, चैत्र ४ २०८१
काठमाडौं । सरकारले नयाँ प्रहरी महानिरीक्षक (आईजीपी) चयन नगर्दै बहालवाला आईजीपीसहितका उच्च अधिकृत बिदा हुँदैछन् ।
आईजीपी वसन्तबहादुर कुँवर ३० वर्षे सेवा अवधिको कारण सोमबारदेखि अवकाशमा जाने भएपछि नयाँ आईजीपी नियुक्त हुने भएका हुन् ।
प्रधानमन्त्री केपी शर्मा ओलीले मन्त्रिपरिषदको बैठक डाकेका छन्। उक्त बैठकले नेपाल प्रहरीमा आज राति १२ बजेबाट रिक्त हुने र भोलि बहाली हुने गरी ३१ औँ आईजी नियुक्त गर्दैछ ।
प्रधानमन्त्रीको सरकारी निवास बालुवाटारमा डाकिएको बैठकले नेपाल प्रहरीका महानिरिक्षक (आईजी) नियुक्त गर्नेछ।
बैठकले आईजीका लागि योग्य तीन प्रहरी अतिरिक्त महानिरिक्षक (एआईजी) दीपक थापा, सुदिप गिरी र टेकबहादुर तामाङ मध्ये एक जनालाई नियुक्त गर्नेछ। उनीहरु तीनै जना २०५२ भदौ १९ गते प्रहरी निरीक्षकमा नियुक्त भएका हुन् । ३१औँ आइजिपीका लागि एआइजीहरू प्रतिस्पर्धामा छन् ।
यसैबीच, आईजी बसन्तबहादुर कुँवरले सोमबारै प्रहरी प्रधान कार्यालयबाट विदा लिने भएका छन्। नेपाल प्रहरी प्रधान कार्यालयले त्यही समयमा आईजी वसन्तबहादुर कुवरसहितका उच्च अधिकृतको बिदाई कार्यक्रम तय गरेको छ ।
उनी नेपाल प्रहरीको नेतृत्व २२ महिना गरेर ३० बर्षे सेवा अवधिका कारण निवृत्त हुन लागेका हुन्।
