मंगलबार, कार्तिक २४ २०८३
मंगलबार, कार्तिक २४ २०८३
सोमबार, फाल्गुन १९ २०८१
काठमाडौं । बीमा प्राधिकरणका निवर्तमान अध्यक्ष सूर्यप्रसाद सिलवालले भ्रष्टाचार मुद्दामा सफाइ पाएका छन् ।
विशेष अदालतले आइतबार सिलवाललाई सफाइ दिएको हो ।
विशेष अदालतका सदस्यहरू तेजनारायणसिंह राई, रामबहादुर थापा र मुरारीबाबु श्रेष्ठको इजलासले उनलाई सफाइ दिएको हो ।
अख्तियार दुरुपयोग अनुसन्धान आयोगले सिलवालमाथि नपाएको ओहोदा लिएको र झुटा विवरण पेश गरी भ्रष्टाचार गरेको भन्दै गत मंसिर २४ गते मुद्दा दायर गरेको थियो ।
नागरिकतामा भएको जन्म मितिको विवरण सच्याएर आफ्नो पदावधि लम्ब्याएको आरोप उनीमाथि थियो ।
सिलवालको कार्यकाल भने गएको माघ ९ गते नै सकिएको थियो ।
