शनिबार, कार्तिक १४ २०८३
शनिबार, कार्तिक १४ २०८३
शनिबार, असार ८ २०८१
काठमाडौं । नेपाली क्रिकेट टीमका कप्तान रोहित पौडेलसहित ३ जनाले क्यानडामा हुने ग्लोबल टी-२० लिग खेल्ने भएका छन् ।
रोहितसहित दीपेन्द्रसिंह ऐरी र सन्दीप लामिछानेले आगामी जुलाईमा हुने ग्लोबल टी-२० लिग खेल्ने पक्का भएको हो ।
सन्दीप र दीपेन्द्रले टीम भ्यानकुभर नाइट्समा आवद्ध भएका छन् भने रोहित टोरन्टो नेसनलमा आवद्ध हुन् । रोहितले पहिलोपटक अन्तर्राष्ट्रिय फ्रेन्चाइज प्रतियोगिता खेल्ने भएका हुन्।
पौडेललाई टोरन्टो नेसनलले टिममा अनुबन्ध गरेको हो । रोहितसँगै लेग स्पिनर लामिछाने र ऐरीले पनि ग्लोबल टी-२० क्यानडा लिग खेल्ने भएका छन् ।
लामिछाने र ऐरीलाई भ्यानकुभर नाइट्सले भित्र्याएको छ । लामिछानेले चौथो र ऐरीले दोस्रोपटक ग्लोबल टी-२० क्यानडा लिग खेल्न लागेका हुन् ।
सन्दीपले यसअघि सन् २०१८ मा भएको पहिलो संस्करणमा मोन्ट्रेल टाइगर्सबाट खेलेका थिए भने सन् २०१९ मा टोरोन्टो नेस्नल्सबाट खेलेका थिए । पछिल्लोपटक सन्दीपले सर्रे जागुएर्सबाट ग्लोबल टी-२० क्यानडा लिग खेलेका थिए ।
लामिछाने ४० लाख र ऐरी २४ लाखमा भ्यानकुभर नाइट्सले लिएका छन् भने पौडेललाई टोरन्टो नेशनलले १६ लाखमा ग्लोबल टी–२० लिगमा लिएको छ ।
