सञ्चार माध्यममा आएका सामाग्रीको नियमको दायित्व प्रेस काउन्सिलको हुनुपर्छ : पत्रकार महासंघ

काठमाडौँ । सञ्चार माध्यममा आएका सामाग्रीको नियमको दायित्व प्रेस काउन्सिलको हुनपर्ने पत्रकार महासंघले भनेको छ । महासंघले आज एक विज्ञप्ति जारी गर्दै सर्वोच्च अदालतले सिधा कुरा डटकमको‘द डार्क फाइल’ शृङ्खलाअन्तर्गत प्रकाशित सामग्री तथा त्यस सन्दर्भमा चालेको कदम र त्यस सन्दर्भमा दिएको पछिल्लो आदेशबारे गम्भीर चासो व्यक्त गरेको छ ।

महासंघले प्रचलित विधि र अभ्यासलाई बेवास्ता गरेर सञ्चार सामग्री प्रवाह गरेकै विषयलाई फौजदारी कानुन आकर्षित गरी त्यस आधारमा मनासाय जोकोहीबाट पनि प्रकट हुनु गलत भएको ठहर गरेको हो । साथै महासंघले सर्वोच्चको आदेश संविधानको भावनासँग बाझिने रहेको उल्लेख गरेको छ ।

यसले प्रेस स्वतन्त्रतामाथि निरन्तर हमला गर्ने गम्भीर खतरा निम्त्याउन सक्ने तर्फ हामी सचेत हुन जरुरी रहेको महासंघको भनाई छ ।