बुधबार, कार्तिक २५ २०८३
बुधबार, कार्तिक २५ २०८३
शुक्रबार, बैशाख १४ २०८१
काठमाडौं । देशको राजधानी काठमाडौंमा कक्षा १२ को परीक्षा दिने एक जना नक्कली परीक्षार्थी फेला परेका छन् । उनी काठमाडौंको ठूलो भर्याङबाट पक्राउ परेका छन् ।
२३ वर्षीय आदेशजंग शाहीलाई आज ठूलो भर्याङस्थित रेन्बो इन्टरनेसनल कलेजमा नक्कली परीक्षार्थी बनेर कक्षा १२ को अंग्रेजी विषयको परीक्षा दिएको अवस्थामा प्रहरी पक्राउ गरेको हो ।
जाजरकोटको छेडागाड नगरपालिका ५ घर भई हाल शाही काठमाडौं बस्दै आएका थिए ।
शाहीले टंकबहादुर घर्तीको प्रवेश पत्रमा आफ्नो फोटो टाँसेर परीक्षा हलमा प्रवेश गरेपछि बिहान सवा ८ बजे पक्राउ गरिएको प्रहरीले जनाएको छ ।
उनलाई ठूलो भर्याङस्थित रेन्बो इन्टरनेसनल कलेजमा दिएको पाएपछि पक्राउ गरिएको जिल्ला प्रहरी परिसर काठमाडौंले जनाएको छ ।
देशभर आज बिहान ८ बजेदेखि एकैसाथ कक्षा १२ को परीक्षा सुरु भएको छ ।
