नुहाउने क्रममा बेपत्ता भएकाको शव सशस्त्र प्रहरीको गोताखोरले निकाल्यो

रुकुम पश्चिम जिल्लाको चौरजहारी नगरपालिका –३ स्थित भेरी नदिमा नुहाउने क्रममा डुबेर बेपत्ता भएका एक जनाको शव सशस्त्र प्रहरीको गोताखोरले बैशाख ०२ गते फेला पारेको छ ।

जाजरकोट जिल्लाको शिवालय गाउँपालिका –३ सिमा बस्ने २४ बर्षिय कमल बुढा गत चैत ३० गते उक्त नदिमा नुहाउने क्रममा डुवेर वेपत्ता भएका थिए ।

घटनाबारे जानकारी पाएपछि सशस्त्र प्रहरी बल नेपाल नं। ६ महेश्वरी बाहिनी मुख्यालय सुर्खेतबाट ४ जना गोताखोर सहित आश्रित गुल्म जाजरकोटबाट १३ जनाको सुरक्षा फौज खोजिकार्यको लागि खटिएको थियो । गोताखोरले आज दिउँसो २ बजे डुबेको ठाउँबाट अन्दाजि ५० मिटर तलबाट उनको शव बाहिर निकालेको हो ।