उपाधि जित्न नेपाललाई पीएनजीले दियो १७२ रनको लक्ष्य

काठमाडौं । हङकङमा जारी टी २० सिरिज क्रिकेटको फाइनलमा पीएनजीले नेपाललाई १७२ रनको लक्ष्य दिएको छ ।

टस हारेर पहिला ब्याटिङको निम्तो पाएको पीएनजीले निर्धारित २० ओभरमा ८ विकेट गुमाउँदै १७१ रन बनाएको हो ।

पपुवा न्युगिनिका लागि टोनी उराले सर्वाधिक ६१ रन बनाए ।

हिला जर्ज वाइके वारेले १८, अलेई नाओले ३०, हिरीहिरीले १५, किपलिन डोरिगाले १४, चाड आइवती सोपरले १३ रन बनाए ।

नेपालका कुशल भुर्तेल र आकाश चन्दले तीन/तीन, करण केसी र गुल्शन झाले एकरएक विकेट लिए ।