बिहिबार, साउन १४ २०८३
बिहिबार, साउन १४ २०८३
आइतबार, पुष २२ २०८०
काठमाडौं । सीट बाँडफाँड टुंगो लगाउन बालुवाटारमा सत्तारुढ चार दलको बैठक सुरु भएको छ।
शनिबार मध्यरातसम्म बसेको बैठकबाट सहमति हुन नसकेपछि गठबन्धनका शीर्ष नेताहरू आज पुन: प्रधानमन्त्री निवास बालुवाटारमा बैठक बसेका हुन् ।
शनिबार मध्यरात सम्पन्न बैठकले बागमती र गण्डकी बाहेकका प्रदेशमा लगभग सहमति जुटाइसकेको छ ।
बैठकमा कांग्रेस, माओवादी केन्द्र, एकीकृत समाजवादी र जनता समाजवादीका शीर्ष नेताहरू सहभागी भएका छन् ।
शनिबार रातिको बैठकमा १९ सिटका लागि हुने निर्वाचनमा नेपाली कांग्रेसले १० माओवादी केन्द्रले ६, एकीकृत समाजवादीले २ र जनता समाजवादीले एक लिने गरी लगभग सहमति भएको छ ।
शनिवार तीन दलले सहमतिको अन्तिम ड्राफ्ट तयार गरेपनिनेकपा एसका अध्यक्ष माधव नेपाल रिसाएर हिँडेका थिए। माधव नेपालले तीन सिटमा दाबी गरेका छन् । तर कांग्रेस र माओवादीले दुई सिटमात्र दिन सकिने बताइरहेका छन् ।
यस्तै सिट दाबी गरेका जनमत र राष्ट्रिय जनमोर्चाले पनि चित्त बुझाएका छैनन् ।
ती लगायत विषयमा सहमतिमा पुग्न आज पुन: बैठक बसेको हो ।
