बिहिबार, साउन १४ २०८३
बिहिबार, साउन १४ २०८३
बुधबार, कार्तिक १५ २०८०
काठमाडौं । संक्रमणकालीन न्यायको विषयमा सहमति जुटाउन प्रधानमन्त्रीको सरकारी निवास बालुवाटारमा तीन दलका शीर्ष तीन नेताबीच भेटवार्ता भएको छ ।
प्रधानमन्त्री पुष्पकमल दाहाल ‘प्रचण्ड’ ले कांग्रेस सभापति शेरबहादुर देउवा र प्रमुख प्रतिपक्षी दलका नेता केपी शर्मा ओलीसँग छलफल गरेका हुन्।
संक्रमणकालीन न्यायको विषयमा सहमति जुटाउन प्रधानमन्त्री प्रचण्डले बिहान बालुवाटारमा देउवा र ओलीसँग छलफल गरेको प्रधानमन्त्रीको सचिवालयले जनाएको छ ।
राष्ट्रसंघका महासचिव एन्टोनियो गुटेरेसले शान्ति प्रक्रियाको बाँकी काम चाँडै टुंग्याउन दलका शीर्ष नेताहरूलाई भेटेर आग्रह गरेका थिए । चार दिने नेपाल भ्रमणमा रहेका बेला गुटेरेसले यस्तो आग्रह गरेका थिए ।
मंगलबार संयुक्त सदनलाई सम्बोधन गर्दै पनि पीडितलाई केन्द्रमा राखेर शान्ति प्रक्रियाको बाँकी काम टुंग्याउन उनले दलहरूलाई सुझाव समेत दिएका थिए ।
