आइतबार, कार्तिक २२ २०८३
आइतबार, कार्तिक २२ २०८३
बुधबार, कार्तिक १५ २०८०
काठमाडौं । राष्ट्रपति रामचन्द्र पौडेलले आममाफी दिएपछि कैद मुक्त भएका एक व्यक्ति अपहरण गरी ज्यान मार्ने धम्की दिएको आरोपमा पक्राउ परेका छन्।
गत जेठ १४ गते गणतन्त्र दिवसको अवसरमा राष्ट्रपति पौडेलले आममाफी दिएपछि कैद मुक्त भएका ५५ वर्षीय रामचन्द्र थापा भरतपुर महानगरपालिका–१ मा धनवन्तरी क्लिनिक सञ्चालन गर्दै आएका सोमराज सुवेदी र उनका छोराको हत्या तथा अपहरण गर्ने धम्की दिई २५ लाख रुपैयाँ फिरौती माग गरेकाे आराेपमा पक्राउ परेका हुन्।
मकवानपुरको हेटौंडा–२ घर भई हाल भरतपुर–९ बस्ने थापाले पटक पटक फोन गरी धम्की दिएका थिए । लगातारको धम्कीका कारण त्रसित भएपछि सुवेदी प्रहरीको सम्पर्कमा पुगेका थिए।
उनी यसअघि पटक पटक कैदको सजाय पाएका व्यक्ति हुन्। ०७५ मंसिर १३ गते उनीविरूद्ध जिल्ला प्रहरी कार्यालय चितवनमा डाँकासम्बन्धी कसूरमा मुद्दा दर्ता भएको थियो।
उक्त मुद्दामा चितवन जिल्ला अदालतले उनलाई ९ वर्षको कैद सजाय तोकेको थियो।
राष्ट्रपतिबाट आममाफी पाएको पाँच महिनामै उनी अर्को आरोपमा पक्राउ परेका हुन्।
