बिहिबार, साउन १४ २०८३
बिहिबार, साउन १४ २०८३
कुनै समय १२० प्रतिशतसम्म लाभाँश दिने हैसियत बनाएकोमा अहिले २० प्रतिशत पनि दिन नसक्ने
बुधबार, बैशाख २७ २०८०
काठमाडौं – कुनै पनि कम्पनीमा व्यवस्थापन प्रमुख अर्थात प्रमुख कार्यकारी अधिकृत आफ्नो जिम्मेवारी भुलेर चर्चा परिचर्चामा मात्र रमाए भने त्यो प्रमुख कार्यकारीले नेतृत्व गरेको कम्पनीको हालत के होला ? पछिल्लो समय यसको गतिलो उदाहरण बनेको छ, नेपाल लाईफ इन्स्योरेन्स कम्पनी हो । तत्कालीन समयमा यो कम्पनीमा बिवेक झा प्रमुख कार्यकारी अधिकृत रहेका थिए । झा आफ्नो कार्यकाल सकाएर कम्पनीबाट बिदा भए । झाको कार्यकालमा नेपाल लाईफ इन्स्योरेन्स कम्पनी बीमा कम्पनीहरु मध्ये उत्कृष्ट कम्पनीको रुपमा रहेको थियो । त्यतिबेला यो कम्पनीले एक सय २० प्रतिशतसम्म लाभाँश वितरण गर्न सक्ने हैसियत बनाएको थियो । कम्पनीलाई त्यो उचाईमा पुर्याएर उक्त कम्पनीका तत्कालीन प्रमुख कार्यकारी अधिकृत झा कम्पनीबाट बिदा भए ।
अहिले पनि कम्पनी त्यही हो, लगानीकर्ताहरु शेयरधनीहरु तिनै हुन । तर यसको व्यवस्थापन प्रमुख अर्थात प्रमुख कार्यकारी अधिकृत सेलिबे्रटी सिईओ मात्र बन्न खोज्दा कम्पनीका हजारौं सेयरलगानीकर्ताहरुको हात खाली हुने भएको छ । कुनै बेला त्यही हातले एक सय २० प्रतिशतसम्म लाभाँश बुझेका शेयरलगानीकर्ताहरु कम्पनीका वर्तमान प्रमुख कार्यकारी अधिकृत प्रवीणरमण पराजुलीको रबैयाका कारण हैरान बनेका छन् । लाखौं लगानी गरेर पनि हात खाली राख्नु पर्ने अवस्थामा पुगेका छन् । कम्पनीलाई तत्कालीन प्रमुख कार्यकारी झाले पुर्याएको त्यो उचाईबाट यहाँसम्म गिराउनुमा अरु कोही नभएर कम्पनीका हालका प्रमुख कार्यकारी पराजुली नैं जिम्वेवार रहेका छन् । सिईओ पराजुलीका पछिल्ला ब्यबहारले संचालक समिति समेत रुष्ट बनेका छन् । सस्थाका अधक्ष्य गोविन्द संघाइको चाप्लुसीले मात्र जागिर टिकिरहेका पराजुली समग्र बिमा छेत्रमा कमजोर ब्वबस्थापक ट्याग लागेका व्यक्ति हुन् । उनि संघाईको सूचना एजेन्ट को रुपमा बिमा प्राधिकरणलाई समेत बर्खिलाप गरिरहेका छन् ।
कम्पनीलाई राम्रो बनाउनु भन्दा पनि स्वार्थ बाझिएका केही सञ्चालकहरु जसले आफुलाई थमौती दिएका छन् तिनै सञ्चालकको चाकडी गर्न र तिनै सञ्चालकहरुलाई खुसी पार्नु बाहेका प्रमुख कार्यकारी पराजुलीको अर्को कुनै उदेश्य र काम छैन । यही कारण पनि अहिले कम्पनी २० प्रतिशत पनि लाभाँश बाँढ्न नसक्ने अवस्थामा पुगेको हो । प्रमुख कार्यकारी पराजुलीको यही रबैया कायम रहने हो भने कम्पनी निकै नै कमजोर बन्दै भन्दै केही लगानीकर्ताहरु प्रमुख कार्यकारी पराजुलीको बिरोधमा खुल्न थालेका छन् । उनीहरुले जसरी पनि पराजुलीलाई हटाएर नयाँ प्रमुख कार्यकारी राख्नु पर्ने बताउँदै आएका छन् । यसो हुन सकेको खण्डमा मात्र कम्पनी राम्रो हुन्छ, कम्पनी पुरानै अवस्थामा फर्किन सक्छ, ति लगानीकर्ताहरुले भन्ने गरेका छन् । कम्पनीले यही बैशाख २१ गतेमात्र आफ्नो २३ बर्षमा प्रवेश गरेको भन्दै कार्यक्रम आयोजना गर्यो । त्यो कार्यक्रममा पनि धेरैजसो लगानीकर्ताहरुले प्रमुख कार्यकारी अधिकृत पराजुलीको बिरोध गरे ।
कम्पनीले २०७९ चैत मसान्त सम्ममा एक खर्ब ६२ अर्ब २८ करोड रुपैयाँ बीमा शुल्क आर्जन गरेको छ भने जीवन बीमाकोष करिब एक खर्ब ५८ अर्ब रुपैयाँले सञ्चितमा छ । इन्स्योरेन्सले देशभर फैलिएका आफ्ना एक सय ९२ कार्यालयमार्फत जीवन बीमा सम्बन्धी सम्पूर्ण सेवा उपलब्ध गराइरहेको छ । यदि कम्पनीलाई अब पनि प्रमुख कार्यकारी पराजुली कै हातमा दिईराख्ने हो भने कम्पनी धरासाही हुने निश्चित भएको र लाखौ लगानीकर्ताहरु डुब्ने भन्दै सेयरधनीहरुले चिन्ता व्यक्त गरेका छन् ।
