आइतबार, कार्तिक २२ २०८३
आइतबार, कार्तिक २२ २०८३
काठमाडौं- पाँच दलीय गठबन्धनको बैठक आज बस्दैछ। सरकार सञ्चालन लगायतका विषयमा छलफल गर्न दलको बैठक बस्न लागेको हो।
नेकपा माओवादी केन्द्रका नेता देवेन्द्र पौडेलले आज बैठक बस्न लागेको जानकारी दिए।
बैठकले मन्त्रालयको भागबन्डाका विषयमा पनि आवश्यक छलफल गर्ने बताइएको छ।
सर्वोच्च अदालतको आदेशपछि मंगलबार राष्ट्रपति विद्यादेवी भण्डारीले शेरबहादुर देउवालाई प्रधानमन्त्रीमा नियुक्त गरेकी थिइन्। कांग्रेसबाट दुई र माओवादी केन्द्रबाट दुई जना गरेर चारजना मात्रै मन्त्री नियुक्त गरेका देउवाले मन्त्रालयको भागबन्डा सकेर मन्त्रिपरिषद् विस्तार गर्ने छन्।
गठबन्धनमा रहेको एमालेको माधव नेपाल पक्ष, जसपा अध्यक्ष उपेन्द्र यादव र राजमो सरकारमा सहभागी हुने नहुने बारे टुंगो लागेको छैन।
बुधबार एमाले नेता नेपाललाई उनकै निवास कोटेश्वरमा भेटेर प्रधानमन्त्री देउवाले सरकारमा सहभागी हुन प्रस्ताव गरेका थिए। एमालेभित्र एकताका लागि जारी प्रयासकैबीच नेपाल पक्ष सरकारमा अहिले नै सहभागी हुने देखिएको छैन।
