बुधबार, कार्तिक ११ २०८३
बुधबार, कार्तिक ११ २०८३
सोमबार, असोज १९ २०८३
काठमाडौँ । नेपाली कांग्रेसको १५औँ महाधिवेशनमा उम्मेदवारी दर्ताका लागि पदअनुसार शुल्क तथा प्रस्तावक र समर्थकको संख्या तोकिएको छ ।
कांग्रेस केन्द्रीय निर्वाचन समितिका अनुसार सभापति पदमा उम्मेदवारी दर्ता गराउन १० जना प्रस्तावक र १० जना समर्थक आवश्यक पर्नेछ । सभापति पदका लागि उम्मेदवारी शुल्क ४० हजार रुपैयाँ तोकिएको छ ।
त्यस्तै, केन्द्रीय उपसभापति र महामन्त्री पदका लागि ३० हजार रुपैयाँ उम्मेदवारी शुल्क निर्धारण गरिएको छ । सहमहामन्त्री पदका लागि २० हजार तथा केन्द्रीय सदस्य पदका लागि ११ हजार रुपैयाँ शुल्क तोकिएको निर्वाचन समितिले जनाएको छ ।
निर्वाचन कार्यतालिकाअनुसार असोज २० गते बिहान १० बजेदेखि दिउँसो ३ बजेसम्म उम्मेदवारी दर्ता हुनेछ ।
महाधिवेशनको निर्वाचन प्रक्रिया असोज २२ गते मतदानसँगै सम्पन्न हुनेछ । निर्वाचन समितिका अनुसार मतदान बिहान ७ बजेदेखि साँझ ५ बजेसम्म सञ्चालन हुनेछ ।
