आइतबार, कार्तिक २२ २०८३
आइतबार, कार्तिक २२ २०८३
शुक्रबार, असार २० २०८२
काठमाडौं । जनमत पार्टी अध्यक्ष डा सिके राउतले आफ्ना दाजु डा जयकान्त राउतलाई राष्ट्रिय उपाध्यक्षमा मनोनीत गरेपछि पार्टीभित्र विवाद चर्किएको छ ।
यसअघि नै संगठन विभाग प्रमुख र राष्ट्रिय परिषद्का अध्यक्ष रहेका जयकान्तलाई फेरि शीर्ष पद दिइएपछि खुला परिवारवादको आरोप लागेको हो ।
पार्टीका स्थायी समिति सदस्य दीपक साहले प्रेस विज्ञप्ति जारी गर्दै नेतृत्वमा परिवार केन्द्रित निर्णय संस्थागत राजनीतिमाथि प्रहार भएको बताए ।
उनले संघर्ष र समर्पणको आधारमा पद बाँडफाँट हुनुपर्ने माग गरेका छन् ।
साहले अर्को उपाध्यक्षमा मनोनीत दानबहादुर चौधरी उपाध्यक्ष नरेन्द्र चौधरीका दाजुको नियुक्तिलाई पनि पार्टी मूल्य र आदर्शमाथिको धक्का भनेका छन् ।
उनले समर्पित नेताहरूको उपेक्षा भइरहेको भन्दै पार्टीभित्र आत्मसमीक्षा र सुधारको खाँचो औँल्याएका छन् ।
यता जनमतकै केही नेताले भने अध्यक्षको दाइ मात्रै नभएर योगदानको आधारमा नै उपाध्यक्षमा पार्टीको मनोनीत गरेको दाबी गरेका छन्।
