घट्यो सुनको मूल्य, कतिमा हुँदैछ आज कारोबार ?

काठमाडौं । नेपाल सुनचाँदी व्यवसायी महासंघका अनुसार आज नेपाली बजारमा सुनको मूल्य तोलामा ६०० रुपैयाँ घटेर कारोबार भएको छ ।

आइतबार सुन तोलाको एक लाख ८४ हजार २०० रुपैयाँमा कारोबार भइरहेको छ ।

गत शुक्रबार सुन एक लाख ८४ हजार ८०० रुपैयाँमा कारोबार भएको थियो ।

आज चाँदीको मूल्य स्थिर छ । चाँदी प्रतितोला एक हजार ९४५ रुपैयाँमा कारोबार भइरहेको महासंघले जनाएको छ ।

शुक्रबार पनि चाँदी यही मूल्यमा कारोबार भएको थियो ।