बिहिबार, कार्तिक १९ २०८३
बिहिबार, कार्तिक १९ २०८३
शुक्रबार, बैशाख ५ २०८२
काठमाडौं । सञ्चार तथा सूचना प्रविधि मन्त्रालयले विज्ञापन बोर्डको अध्यक्ष पदका लागि आवेदन माग गरेको छ ।
यसअघिका अध्यक्ष लक्ष्मण हुमागाईं गत चैत तेस्रो साताबाट बिदा भएपछि आवेदन गरीएको हो ।
मन्त्रालयद्धारा आज जारी सूचनामा बोर्डको अध्यक्ष नियुक्ति सिफारिससम्बन्धी कार्यविधि, २०८० बमोजिम दरखास्त आह्वान गरिएको जनाउँदै योग्यता पुगेका इच्छुक व्यक्तिलाई आवेदन दिन भनिएको छ ।
उम्मेदवारको न्यूनतम योग्यता आमसञ्चार, कानून, विज्ञापन वा व्यवस्थापन विषयमा मान्यता प्राप्त विश्वविद्यालयबाट कम्तिमा स्नातक उपाधि हासिल गरी सो क्षेत्रमा दश वर्षको कार्यअनुभव हुनुपर्ने छ ।
यस्तै, उमेरहद ३५ वर्ष तोकिएको छ । कुनै विदेशी मुलुकको स्थायी आवासीय अनुमतिपत्र नलिएको स्वःघोषणा पनि पेश गर्नुपर्छ । मन्त्रालयले इच्छुक योग्य व्यक्तिलाई आगामी १५ दिनभित्र दरखास्त दिन आग्रह गरेको छ ।
सिंहदरबारस्थित मन्त्रालयको संस्थान समन्वय शाखामा आवेदन दिनुपर्ने छ । यससम्बन्धी विस्तृत जानकारी मन्त्रालयको वेबसाइटमा राखिएको छ ।
