सोमबार, कार्तिक २३ २०८३
सोमबार, कार्तिक २३ २०८३
मेयर बालेनलाई उपमेयर डंगोलको चेतावनी : कोठामा बसेर निर्देशन मात्र नदिनुहोला
बिहिबार, चैत्र २१ २०८१
काठमाडौं । काठमाडौं महानगरपालिकाका प्रमुख प्रशासकीय अधिृकत सरोज गुरागाईँले कार्यालय पुगेर हाजिर भएका छन् ।
बिहीबार प्रमुख प्रशासकीय अधिकृत गुरागाईं कार्यालय प्रवेश गर्न खोज्दा नगर प्रहरी र कर्मचारीबीच तनाव उत्पन्न भएको थियो ।
कर्मचारी र जनप्रतिनिधिले घेराउमा राखेर गुरागाईंलाई कार्यकक्षतिर लगेका थिए ।
उपप्रमुख सुनिता डंगोल तथा महानगरका कर्मचारीहरुको सहयोगमा उनले हाजिर गराए ।
साढे तीन महिनादेखि प्रमुख प्रशासकीय अधिकृतविहिन हुँदा महानगरका कर्मचारीहरु तलव पाउनबाट वञ्चित भएका थिए ।
प्रमुख बालेन्द्र साहको निर्देशनमा प्रमुख प्रशासकीय अधिकृतको कोठामा तालासमेत लागाइएको थियो ।
आज कर्मचारीहरुले ताल फोडेर गुरागाईंलाई हाजिर गराए । प्रमुख बालेन्द्र साहले गुरागाईंलाई गत पुस ७ गतेदेखि बिदामा राखेका थिए ।
यसैबीच महानगरपालिकाकी उपमेयर डंगोलले कोठामा बसेर निर्देशन मात्र नदिनका लागि मेयर बालेन साहलाई चेतावनी दिएकी छिन् । अहिले उपमेयर सुनिता डंगोलसहितको बैठक बसेको छ ।
उनले कर्मचारी हाजिर गर्न आउँदा यो झडपको अवस्था हुनु राम्रो नभएको बताउँदै कर्मचारी–कर्मचारीबीच लडाइँ हुनु राम्रो नभएको बताइन् ।
मनमुटाव संस्थाभित्र हुनुहुँदैन भन्दै प्रमुख प्रशासकीय अधिकृत दोषी प्रमाणित भएको अवस्थामा कारबाही गर्न तयार रहेको उनले बताइन् ।
